2022 жылғы 30 маусымда сағат 16-00-де Жетісу облысы, Талдықорған қаласы, Қабанбай көшесіндегі «Фиалка» аялдамасының жанындағы жолдың жүру бөлігіне қатты соққан желдің салдарынан ағаш (қарағаш) құлады. Салдарынан 1963 жылы туған әйел адам жарақат алып, оң білегі, оң аяғын және басын соғып алды деген диагнозбен қалалық көпсалалы ауруханаға жатқызылды.
Оқиға орнына Талдықорған қаласы ТЖ басқармасының жеке құрамынан 4 адам және 2 техника шықты.
Уақтылы шаралар қабылдау үшін, жергілікті атқарушы органдарға ақпарат берілді.
Алматы облысы ТЖД баспасөз қызметі:
Бүгін Талдықорғанда таңертең болған бұлтты күннің түстен кейінгі райы дауылды жел мен жауынға айналды. Әп-сәтте болған табиғат құбылысы тұрғындарды тығырыққа тіреді. Әуесқой бейнетүсірілімде құлаған ағаштың шірік екенін көруге болады. Желі қолданушылар қаладағы көгалды ағаш өсімдіктерінің шірігендерін, қаланы тазарту керектігін айтып наразалықтарын білдіруде.
