Бір қабатты ғимараттың ішіндегі мақта мен ағаш сөрелер түгел жанып кеткен.
Мақта түту цехы «Қазақ зағиптар қауымдастығы» бірлестігінің оқу-өндірістік кәсіпорнына қарасты. Қызыл жалын от шыққан ғимаратқа жапсарлас тұрған басқа өндіріс орнына жайылып үлгермеді.
«Ілулі тұрған кабельде қысқа тұйықталу болып, от содан шықты. Ал мұндағы электр желілерінің басым бөлігі 50 жылдан бері ауытырылмаған. Оған қоса бұл кабельге кір жуу мекемесі мен жиһаз шығаратын цех қосылған. Әлбетте, онсыз да құрғап, кеуіп кеткен кабель мұндай жүктемеге шыдай алмаған», — деді электр маманы Дмитрий Карманов.
Ал оттың шығуын өртсөндірушілер де, мақта түтуцехының электригі де ғимараттағы электрсымдарының ескіргенінен дейді.
