ШҚО ТЖД баспасөз қызметінің хабарлауынша, оқиға 9 шілдеде сағат 15.00 шамасында болған.
«Оқиға орнына автокөлік техникасымен жету мүмкін болмағандықтан, жергілікті атқарушы органдардан, өрт сөндірушілер мен орманшылардан 34 адам жану ошағына жаяу жіберілді. Өрт сөндірудің барлық қатысушыларының іс-қимылдары үйлесімділігінің арқасында 10 шілдеде сағат 00.00-де өрт 3 гектар алаңда сөндірілді», — делінген хабарламада.
Естеріңізге сала кетейік, облыстың оңтүстігі мен батысында өрт қауіптілігінің жоғары дәрежесі туралы дауылды ескерту бар.
«ШҚО ТЖД халыққа ашық отты пайдалану кезінде өте сақ болуға, үйлер мен үй-жайлардың жанында от жағуға, құрғақ шөпті, қамысты өртемеуге кеңес береді. Көліктерден сөндірілмеген темекі, шыны ыдыстарды тастамаңыздар. От жағуға болмайды!», — дейді ТЖД өкілдері.
