Полицейлер оларды елдің шығысында және Алматы облысында әрекет еткен ірі есірткі желісін жою бойынша өткен кең ауқымды арнайы операция кезінде 2021 жылдың жазында ұстаған. Топтың барлық 6 мүшесін ұстау үшін бір ай уақыт кетті. Есірткі тасымалдаушылар мұқият, астыртын әрекет етіп отырған. Олар жалдамалы пәтерлерді үнемі ауыстырып жүрген. Біреуі жеткізу үшін жауап берсе, екіншісі есірткінің дозасын өлшеп, әрі қарай қала бойынша жасырып отырған. Тінту барысында сатуға дайын шамамен 10 келі синтетикалық есірткі тәркіленді.
Қазіргі уақытта сот үкімімен қылмыстық топ мүшелеріне 10 жылдан астам мерзімге бас бостандығынан айыру жазасы тағайындалды. Олар орташа және ең жоғары қауіпсіздік мекемелерінде жазасын өтейді.
