Төтенше жағдайлар министрлігі жазатайым оқиғалар демалыс күндері жиі кездесетінін мәлімдеді.
«Қауіпсіздік ережелерін елемеу, жабдықталмаған жерлерде шомылу және балаларды назардан тыс қалдыру көбінесе қайғылы жағдайға әкеліп жатыр», — делінген хабарламада.
Мәселен, шомылу маусымы басталғаннан бері 85 адам, оның ішінде 35 бала суға батып кетті.
ТЖМ қазақстандықтарды судағы қауіпсіздік ережелерін сақтауға үндеді.
«Тыйым салынған жерлерде шомылу өмірге қауіп төндіріп қана қоймай, айыппұл түрінде әкімшілік жауапкершілікке әкеледі. Тек әкімшілік құқық бұзушылық туралы кодекстің 412-бабы бойынша 721 қазақстандыққа 18 миллион теңгеден астам сомаға айыппұл салынды», — деп хабарлайды Төтенше жағдайлар министрлігі.
