Кадрлардан ер адамның әйелге арт жағынан жақындап, шабуыл жасағанын көруге болады. Алайда жәбірленуші қарсылық көрсетіп, қаскүнемнен құтылып кеткен.
Жәбірленушінің туыстарының айтуынша, оқиға бейнебақылау камераларына түсіп қалған. Соған қарамастан күдікті әлі қолға түспеген.
Оқиғаға қатысты Алматы облысы полиция департаменті пікір білдірді.
«Аталған дерек бойынша қылмыстық іс қозғалды. Қазіргі уақытта оқиғаның барлық мән-жайын анықтауға және құқыққа қарсы әрекетке қатысы бар адамды анықтауға бағытталған жедел-іздестіру және тергеу шаралары жүргізіліп жатыр», – деп хабарлады облыстық полиция департаментінің баспасөз қызметі.
Ведомство мәліметінше, тергеу нәтижелері бойынша күдіктінің әрекетіне құқықтық баға беріліп, тиісті процессуалдық шешім қабылданады.
Полиция өкілдері қазіргі уақытта күдіктіні анықтау және ұстау бағытындағы жұмыстар жалғасып жатқанын мәлімдеді.
Оқиғаның мән-жайы толық анықталғаннан кейін қосымша ақпарат жарияланатын болады.
