Әкімдіктің баспасөз қызметі хабарлауынша, жаңа шағын аудан 5,5 га жерді алып жатыр. Мұнда 440 пәтерлі 2 және 5 қабатты үйлер, екі блокты-модульді қазандық, балалар ойын алаңдары салынады және бұрын бос жатқан аумақ абаттандырылады. Қазір мұнда жалға берілетін екі қабатты 20 пәтерлі үй салынып жатыр. Жыл соңына қарай бұл үйді пайдалануға беру жоспарланған, соның арқасында кезекте тұрған 20 отбасы қоныс тойын тойлайды.
«Нұрлы жер» бағдарламасы аясында салынып жатқан үйдің құрылысына 305 млн. теңге бөлінді. Мердігер мекеме – «Golden city» ЖШС. Нысанды инженерлік инфрақұрылыммен қамтамасыз ету мен абаттандыру жұмыстарын «Гарант групп строй» ЖШС жүзеге асырады», — дейді аудандық құрылыс, сәулет және қала құрылысы бөлімінің басшысы Мұратбек Рымбаев.
Айта кетейік, жуық арада әрқайсысы 60 пәтерден тұратын 5 қабатты тағы екі үйдің құрылысы басталады.
