Аудит нәтижесіне сәйкес, соңғы он жылда компания тек төрт жаңа жобаны іске асырған. Бұл 2024 жылы бекітілген даму стратегиясына сәйкес алдағы 10 жылда жүзеге асырылуы тиіс 25 жобаға қатысты күмән туғызады.
Тоқтатылған бастамалардың салдарынан компания 199 млрд теңге көлемінде шығынға ұшыраған. Ірі жобалар қатарында Балқаш жылу электр станциясының құрылысы (102 млрд теңге) мен Екібастұз ГРЭС-2-дегі №3 энергоблок (61,2 млрд теңге) бар.
Сондай-ақ, аудит барысында 66 миллион теңге көлеміндегі қаржылық заңбұзушылық, 9,5 миллиард теңгеге жуық бюджет қаражатын тиімсіз жоспарлау және 104,7 миллиард теңгенің активтері мен қаражатын тиімсіз пайдалану фактілері анықталған.
Жалпы, тексеріс барысында 72 рәсімдік және 35 жүйелі заңбұзушылық тіркелді.
