Бұл проблема әсіресе, шекара маңындағы Сүмбе, Жамбыл, Нарынқол, Ұзақ батыр және Қақпақ ауылдық округтерінде қатты сезіліп отыр.
«Менің берген тапсырмама орай, тиісті облыстық басқарма пайдаланбай жатқан жайылымдық жер учаскесін мемлекет мұқтажы үшін қайтару жұмыстарын жүйелі түрде жүргізіп жатыр», — деді Марат Сұлтанғазиев.
Ауданның жалпы жер көлемінің шеңберінде жайылымдыққа тиесілі 445,3 мың гектар бар. Әкімдік ақпаратына сәйкес 8 жекеменшік кәсіпкердің қолында 70,7 мың гектар жайылымдық жер пайдаланылмай отыр
Олар:
«Сафари Тау Шелек» – 10,0 мың га;
«Рахат тур» – 44,1 мың, га;
«Хан Тәңірі Kazexim» – 5,1 мың га;
«Әбдірахманов» – 0,8 мың га;
«Райымбек нан» – 5,9 мың га;
«Фирма Рум» – 1,2 мың га;
«Қуат ЛТД» – 1,6 мың га;
«ТаласАгро» – 2,0 мың га.
Марат Сұлтанғазиев орынбасары Б.Қ. Байжұмановқа, ауыл шаруашылығы басқармасына аудан әкімімен бірлесіп, пайдаланбайтын жайылымдық жерлерді мемлекет меншігіне қайтаруды тапсырды.
