Антикоррупциялық қызмет өкілдерінің мәліметінше, облыстық әкімдік пен «Тобыл» әлеуметтік кәсіпкерлік корпорациясы қант тапшылығын шешудің орнына кәсіпкерлермен ауыз жаласып, тұрақтандыру қорындағы қантты таныстарына 420 теңгеге сатқан.
Ал кәсіпкерлер әкімдік пен «Тобыл» ӘКК қызметкерлеріне «алғыс» ретінде 500 келіге дейін қантты үлестірген. Кейін өз шығынын қайтару үшін халыққа қантты 10 пайызбен емес, 100 пайыз үстемеақымен сатқан.
«Тұрақтандыру қорының қойма меңгерушісінің жеке гаражын тексеру барысында 900 келі қант табылып тәркіленді. Барлығы тұрақтандыру қорына қайтарылды», – делінген ресми хабарламада.
Қазіргі кезде тергеу шаралары басталды.
