1 шаршы метр 250-300 мың теңгені құрайды. Жаңа өңірлер ғана емес, жалпы ел аумағында мүлікті сатып алу-сату келісімдері біршама азайған. Мамандар тұрғын үйдің өз бағасын есептеу қиындағанын айтады.
Оған әлемдегі геосаяси ахуал, қымбатшылық, логистикалық кедергілер әрі құрылыс материалдарының 90%-ы шетелден алынуы себеп болған. Риэлторлар сатушылардың екінші нарықтағы пәтер бағасын шарықтатып қойғанын айтады.
Әсіресе, Қонаев, Семей, Жезқазған қалаларында үй бағасы 10 пайызға өскен. Осылайша 1 шаршы метрі 250-300 мың теңге болып отыр. Айта кету керек, наурыздан бері елде ай сайынғы жылжымайтын мүлікті сатып алу-сату келісімдері 30 мыңға азайып жатыр. Халық екінші нарықтағы бір бөлмелі пәтерлерді көп таңдайтын болған.
