Жиынға өңірдің медицина саласындағы жетекші мамандары, мемлекеттік органдардың өкілдері және сарапшылар қатысты.
Алқа отырысын облыс әкімінің орынбасары Ғани Майлыбаев ашып, өңірдегі денсаулық сақтау жүйесін дамыту бағытындағы негізгі міндеттерге тоқталды. Оның айтуынша, халыққа көрсетілетін медициналық қызмет сапасын арттыру және қолжетімділікті қамтамасыз ету – басты басымдықтардың бірі.
Одан кейін Алматы облысының денсаулық сақтау басқармасының басшысы Ержан Сүлейменов баяндама жасап, саладағы қазіргі ахуал мен алдағы жоспарларды таныстырды. Баяндамасында медициналық инфрақұрылымды жаңарту, кадр тапшылығын азайту және цифрландыру үдерістерін жеделдету мәселелері қамтылды. Жиында басқарма басшысының орынбасары Лейла Серикбаева да сөз сөйлеп, бірқатар бағыттар бойынша атқарылып жатқан жұмыстар мен көрсеткіштерге тоқталды.
Алқа отырысы барысында қатысушылар саладағы түйткілді мәселелерді талқылап, нақты ұсыныстар мен ұйымдастырушылық шешімдер қабылдады. Жиын соңында Ержан Сүлейменов қорытынды сөз сөйлеп, қабылданған шешімдердің орындалуы қатаң бақылауда болатынын атап өтті.
Сарапшылардың пікірінше, мұндай алқа отырыстары өңірдегі денсаулық сақтау жүйесін жетілдіруге, медициналық қызмет сапасын арттыруға және халық денсаулығын нығайтуға серпін береді.
