Тұрғындардың айтуынша, үйдің ең жоғарғы 4-қабатында орналасқан пәтерлер бірден суып кеткен. Олар жергілікті әкімдіктен бұл мәселені тез арада шешіп беруін сұрады.
«Қазіргі таңда жергілікті Төтенше жағдай бөлімімен бірлесе отырып, арнайы комиссия құрылды. Жел тоқтаған соң кондоминиум негізінде шатыр қалпына келтіріледі. Ең алдымен үйдің шатырына толық зерттеу жүргізіледі», — деді қалалық Тұрғын үй-коммуналдық шаруашылығы (ТҮКШ) бөлімінің басшысы Дархан Қарағонысов.
Сонымен қатар ауа райының бұзылуынан шаһарда бірнеше бизнес нысандарының қоршаулары құлап қалды. Бұл жерді кәсіпкерлер өз ақшасына жөндетеді.
Жергілікті ТҮКШ бөлімінің басшысы желдің әсерінен 8 және 10 шағын аудандарда жарық мәселесі туындап отырғанын айтты.
«Ауа райының қолайсыздығынан трансформаторлы қосалқы стансаларға шамадан артық қысым келіп, тұрғындардың үйінде жарық өшіп қалып жатыр. 15 қаңтардан бастап бұл аудандарға 400 кВА қуатты трансформаторлар қойыла бастайды», — деді Дархан Қарағонысов.
Айта кетейік, Қазгидрометтің ақпаратына сүйенсек, бүгін қаладағы желдің жылдамдығы — 15 м/сек.
Посмотреть эту публикацию в Instagram
