Қонаев қаласының прокуроры Жәнібек Жақаев Qonaev Media телеарнасындағы «Кәсіби сұхбат» бағдарламасына қатысып, облыс орталығындағы қылмыстық ахуал мен құқық қорғау органдарының қызметіне тоқталды.
Сұхбат барысында қалада жиі тіркелетін құқықбұзушылықтар, олардың алдын алу жолдары және прокуратура тарапынан қабылданып жатқан шаралар сөз болды.
Прокурордың айтуынша, құқық қорғау органдарының жұмысы тек жасалған қылмыстарды анықтаумен шектелмейді. Құқықбұзушылықтардың алдын алу, тұрғындардың қауіпсіздігін қамтамасыз ету және олардың заңды құқықтарын қорғау да маңызды міндеттердің бірі.
Бағдарламада жасалған және алдын алынған құқықбұзушылықтар, сондай-ақ қаладағы профилактикалық жұмыстардың барысы талқыланды.
Қала прокуроры құқықтық тәртіпті қамтамасыз ету бағытында атқарылып жатқан жұмыстар туралы ақпарат беріп, қылмыстың алдын алудың маңыздылығына тоқталды.
Айта кетейік, «Кәсіби сұхбат» бағдарламасы Алматы облысы тұрғындарының қауіпсіздігін қамтамасыз ету, құқықтары мен заңды мүдделерін қорғау саласында еңбек ететін мамандардың қызметіне арналған. Бағдарламада өңірдегі өзекті мәселелер, мемлекеттік органдардың жұмысы және оларды шешу жолдары талқыланады.
Қонаев қаласының прокуроры Жәнібек Жақаевпен сұхбаттың толық нұсқасын осы жерден көруге болады.





