Мемлекет тарапынан 20% көлемінде бонус алу үшін Отбасы банктің салымшылары 2023 жылдың 29 желтоқсанына дейін өз депозиттерін толықтырып үлгеруі тиіс.
Бұл тұрғын үй құрылысы жинақ ақша жүйесіне қатысушыларына жыл сайын түсетін сыйақы. Мемлекет сыйақысы 200 АЕК (2023 жылы 1 АЕК 3 450 теңгеге тең) немесе 690 000 теңгеден аспайтын сомаға есептеледі. Егер осы жыл ішінде Отбасы банктің депозит ұстаушысы осы қаражатты өз шотына жинаса немесе оларды бір мезгілде енгізсе, онда ол 2023 жылдың қорытындысы бойынша ең жоғары сыйақыны – 138 000 теңгені алады. Сіздің жинаған қаражатыңыз бұл сомадан аз болса да, сол жинақтың 20%-ы шотыңызға түседі.
Ұлттық банк мәліметінше, 2023 жылғы 1 желтоқсандағы жағдайға сәйкес Отбасы банктегі жеке тұлғалардың салым мөлшері 2,296 трлн теңгені құраған.
