Қазақстандық сарапшылар жаңа піскен көкөніс бағасының жылына 10%-ға өсетінін хабарлады. Сонымен қатар, есеп бойынша, елге көкөніс импорты экспорттан айтарлықтай асып түседі.
Energyprom.kz зерттеушілерінің 20 қазандағы есебі келесі көрсеткіштерді көрсетеді:
қияр 29,6%-ға қымбаттады;
қызанақ – 21,8%-ға;
пияз – 13,9%-ға;
картоп – 13,2%-ға.
Бұл ретте сәбіз және орамжапырақ арзандады.
Мамандар бағаның өсуі көбіне Алматы облысында байқалатынын айтты. Сондай-ақ Жетісу мен Атырау облыстарында да көкөністер айтарлықтай қымбаттады.
Дегенмен, Жамбыл және Ұлытау облыстарында бағаның төмендегені байқалды.
2022 жылы көкөністің негізгі түрлері бойынша Қазақстанға импорт республикадан келетін экспорттан бірнеше есе көп, дейді сарапшылар.
Мәселен, қаңтар-шілде айларының қорытындысы бойынша баклажан импорты экспорттан 67,3 есеге, бұрыш 47,6 есеге, қырыққабат 18,3 есеге артық.
17 қазанда сарапшылар Қазақстанда бір жылда балық бағасы 15 пайызға қымбаттағанын айтты. Бағаның өсуін Павлодар, Қостанай және Маңғыстау облыстарының тұрғындары қатты сезінді.
