Әлеуметтік желілер мен мессенджерлерде Алматыда «Цефтриаксон» антибиотик инъекциясын алғаннан кейін 18 адам қайтыс болды деген ақпарат тарап жатыр.
Сондай-ақ хабарламада препарат дәріханалардан жаппай шығарыла бастағаны айтылған. Денсаулық сақтау министрлігі бұл фактіні жоққа шығарды.
«Науқастың өлімі көрсетілген цефтриаксонның жағымсыз реакциялары туралы карт-хабарламалар тіркелген жоқ. Медициналық және фармацевтикалық бақылау комитетіне және оның Алматы қаласы бойынша аумақтық департаментіне мұндай шағымдар түскен жоқ», — деп хабарлады ведомстводан.
«Цефтриаксон» — бұл сепсис, менингит, инфекциялардың әртүрлі түрлері, пневмония және басқалары сияқты көптеген ауруларға тағайындалған антибиотик. Препарат Қазақстанда лицензияланған және дәріханаларда сатылады.
