Бұл өзгерістен кейін трассалардағы барлық жылдамдық бұзушылықтар ресми түрде тіркеліп, айыппұл автоматты түрде салынады.
Компанияның мәліметінше, жолдарда орнатылған арка түріндегі автоматты бақылау жүйелері көлік қозғалысының нақты жылдамдығын тіркеп, оны белгіленген шектеумен салыстырады. Егер жүргізуші рұқсат етілген жылдамдықтан асса, ақпарат бірден орталық базаға жіберіліп, әкімшілік іс қозғалады.
Жылдамдықты бақылау камералары орнатылған учаскелер:
📍 «Көкшетау – Петропавл» автожолы
-
354 км — «Драгомировка» бақылау аркасы
-
443,8 км — «Астраханка» бақылау аркасы
-
473,1 км — «Бескөл» бақылау аркасы
📍 «Алматы – Қорғас» автожолы
-
38,2 км — «Балтабай» бақылау аркасы
-
204,6 км — «Ұйғыр» бақылау аркасы
-
205,4 км — «Панфилов» бақылау аркасы
«Жүйе көліктің нақты жылдамдығын тіркеп, оны белгіленген шектеумен автоматты түрде салыстырады. Жылдамдықты асырған жағдайлар ӘІБТ ПО жүйесіне жолданып, сол жерде әкімшілік материалдар дайындалады», — делінген компания хабарламасында.
«ҚазАвтоЖол» жүргізушілерге жол қозғалысы ережелерін, әсіресе жылдамдық шектеуін қатаң сақтауға кеңес береді. Бұл – жол қауіпсіздігін қамтамасыз етудің және айыппұлдан құтылудың ең тиімді жолы.
