Жыл басынан бері Қазақстан криминалдық полициясы 647 шетелдік қылмыскерді іздеп тауып, ұстады. Соңғы айдың өзінде олардың 34-і құрықталды, деп хабарлайды alataunews.kz тілшісі polisia.kz-ке сілтеме жасап.
Мысалы, Қостанай облысында полиция 44 жастағы Ресей азаматын қолға түсірді. Ол 2021 жылы Бішкекте Қырғызстанның лауазымды тұлғаларымен бірге 7 миллион сомды иемденіп, сыбайлас жемқорлық қылмысына қатысқан.
Солтүстік Қазақстан облысында да Ресей құқық қорғау органдарының іздеуінде жүрген тағы бір шетелдік ұсталды. Ол 2023 жылы Түменде топ құрамында жергілікті тұрғыннан 300 мың рубль мен Toyota Camry автокөлігін бопсалаған.
Жалпы алғанда, осы жылы Қазақстан полициясы 1 596 қылмыскерді ұстап, хабар-ошарсыз кеткен 1 058 адамның орналасқан жерін анықтады.
