Төртінші алтынды 80 келі салмақ дәрежесінде жұдырықтасқан Оралбай финалда Қытай қазағы Тоқтарбек Таңатханды жеңіп, қоржынға байлады.
Ал, еліміздің Президенті Қасым-Жомарт Тоқаев бокстан Ташкентте өткен әлем чемпионатының жеңімпаздарын құттықтады
«Бокстан әлем чемпионатының финалдық жекпе-жектерін зор қызығушылықпен тамашаладым. Жеңіске деген ерік-жігер мен шынайы патриотизмнің жарқын үлгісін көрсеткен боксшыларымыз Санжар Тәшкенбай, Махмұд Сабырхан, Асланбек Шымбергенов және Нұрбек Оралбайды шын жүректен құттықтаймын! Қазақтың төрт жігіті – әлем чемпионы!», – деп жазылған Президенттің Twitter-дегі құттықтауында.
Сөйтіп, Қазақстан құрамасы әлем чемпионатын төрт алтын, бір күміс медаль аяқтады. Жалпы командалық есепте екінші орын.
Айта кетейік, осының алдында Қазақстан үш алтын, бір күміс медаль алып үлгерген еді. Санжар Тәшкенбай (48 келі), Махмұд Сабырхан (54 келі), Асланбек Шымбергенов топ жарса, Дулат Бекбауов (67 келі) күміс жүлдеге ие болды.
