ҚМДБ хабарлағандай, арнайы рәсім қасиетті Құраннан аяттарды оқудан басталды. Бас мүфти қажыларға сәт сапар тілеп, әрбір мұсылманның өмірінде қажылықтың маңыздылығын атап өтті.
«Пандемияға байланысты қажылық есіктері екі жылға жабылды. Енді Алланың қалауымен, Жаратушының шақыртуымен сіздер қасиетті Қағбаға қажылыққа жол тартып барасыздар. Алла ниеттеріңізді қабыл етсін!», — деді Наурызбай қажы Тағанұлы.
Сондай-ақ, Шымкенттен келген қажылардың бірінші тобы Джиддудағы қасиетті жерлерге келді.
Қазақстандықтарды ҚМДБ төрағасының орынбасары, наиб мүфти Ершат қожа Оңғарұлы және Жидда қаласының Бас консулы Талғат Шалданбай қарсы алды.
Бүгінде төрт мың қазақстандық қажылыққа баруға ниет еткен. Оларға 14 қажылық компаниясы қызмет көрсетеді.
