Бұл қызмет Ішкі істер министрлігі мен Цифрлық даму, инновациялар және аэроғарыш өнеркәсібі министрлігінің бірлескен бұйрығы негізінде жүзеге асырылып отыр.
Қызметті мына жағдайларда пайдалануға болады:
-
Жеке куәліктің жарамдылық мерзімі аяқталуына 30 күннен аз уақыт қалса;
-
Немесе куәлік мерзімі 10 күннен астам емес уақыт бұрын аяқталған жағдайда.
Қызметті алу тәртібі:
-
eGov.kz порталына немесе Mgov қосымшасына кіріп, «Қызметті онлайн тапсырыс беру» батырмасын басыңыз.
-
Өтінішті толтырып, фото мен қолтаңба үлгісін жүктейсіз. Өтінішке ЭЦҚ немесе SMS-пароль арқылы қол қойылады (SMS-пароль үшін мобильді азаматтар базасында тіркелу қажет).
-
Өтініш берушінің тұрақты тіркелген мекенжайы болуы тиіс. Егер тіркеу болмаса немесе жеке деректер (аты-жөні, туған күні) өзгерген жағдайда, «Азаматтарға арналған үкімет» КЕАҚ бөлімшесіне жүгіну қажет.
-
Мемлекеттік баж салығын төлеу керек (қалауыңызға қарай жеделдетілген қызмет түрін таңдауға болады).
-
Өтінішіңіздің мәртебесін жеке кабинеттегі «Қызметтерді алу тарихы» бөлімінен қадағалай аласыз. Жауап белгіленген уақыт аралығында беріледі.
Бұл жаңашыл қызмет азаматтарға уақыт үнемдеуге және мемлекеттік қызметтерді цифрлық форматта ыңғайлы пайдалануға мүмкіндік береді.
