Министрдің айтуынша, аталған шекті инфляция деңгейіне байланысты қайта қарау ұсынылған.
«Біз жеткіліктілік шегін болжамды инфляция деңгейіне сәйкес көтеруді ұсындық. Тиісті қаулы жобасын жолдадық, қазір мемлекеттік органдардың ұсыныстарын күтіп отырмыз. Одан кейін толық келісу рәсіміне жіберіледі. Жалпы, бұл өзгерістер жақын арада қабылданады деп ойлаймыз. Мүмкін келесі айда жеткіліктілік шегін көтеру қажет болады», – деді Ертаев.
Ол сондай-ақ мұндай шешімнің негізгі себебін түсіндірді.
«Әр азамат зейнет жасына жеткенде лайықты зейнетақы алуы тиіс. Соңғы бес жылда жинақтан 5 триллион теңге алынған. Оның ішінде несие жабуға, емделуге жұмсалған қаражат бар – оны түсінеміз. Бірақ болашақты да ойлауымыз керек. Зейнетақы ең төмен деңгейде қалып қоймауы үшін жинақтарды сақтауға мән беру қажет», – деді министр.
Министрлік мәліметінше, ұсынылып отырған өзгерістер азаматтардың болашақтағы зейнетақы төлемдерінің деңгейін қамтамасыз етуге бағытталған.
