«Қаржы пирамидасының алдын алу шараларын күшейту нәтижесінде 3000-нан астам сайт бұғатталды. 44 іс қозғалып, 6,5 млрд теңгенің мүлкі тәркіленді», — делінген ҚМА хабарламасында.
Бұдан бөлек, Жанат Элимановтың төрағалығымен өткен жиында, 2022 жылдың бірінші жартыжылдығында ҚМА-нің төмендегідей нәтижеге қол жеткізгені жайлы ақпарат берілді:
- 789 іс аяқталды. Олар бойынша мүлікке тыйым салуды ескере отырып, 85 млрд теңге өтелді;
- ұйымдасқан қылмыстық топтарға қатысты 20 іс қозғалды, олардың 17-сі сотқа жолданды;
- өткен жылмен салыстырғанда қозғалған істер саны 30%-ға (1164-тен 826-ға дейін) қысқарды;
- бюджет қаражатын жымқыру бойынша 115 іс қозғалды. Белгіленген шығын сомасы 57 млрд теңгені құрады, оның 53 млрд теңгесі мүлікке тыйым салуды ескере отырып өтелді.
