Өңірлік төтенше жағдайлар қызметінің мәліметінше, тексеру барысында «Барлығыңыздың назарыңызға!» дабыл сигналы беріліп, облыс аумағындағы сиреналар қысқа уақытқа қосылады. Сонымен қатар сынақ хабарламасын тарату үшін теле және радиоарналарды уақытша тоқтату жүйесі іске қосылады.
Алматы облысы Төтенше жағдайлар департаментінің өкілдері бұл шара су тасқыны кезеңіне дайындық деңгейін арттыру және төтенше жағдай кезінде халықты жедел хабардар ету жүйесінің жұмысын пысықтау мақсатында ұйымдастырылып отырғанын атап өтті.
Құтқарушылар тұрғындарды сабыр сақтауға шақырып, дыбыстық сигналды естіген кезде теледидар немесе радиоқабылдағышты қосып, ресми интернет-ресурстар мен мобильді қосымшалардағы ақпаратты мұқият қадағалауға кеңес берді. Сондай-ақ берілетін нұсқауларды орындау маңызды екені ескертілді.
