Еліміздегі халық саны 2022 жылдың 1 қазанындағы жағдай бойынша 19 миллион 691 мың 900 адамды құрады. Бұл ретте қалаларда 12 млн 151 мың 700 адам (61,7%) тұрады, ауыл тұрғындары әдеттегідей азайып жатыр – 7 млн 540 мың 200 адам (38,3%).
АХАЖ мәліметтері бойынша, қаңтар-қыркүйек айларында 299,7 мың бала дүниеге келген, бұл 2021 жылдың сәйкес кезеңімен салыстырғанда (338,8 мың адам) 11,5%-ға аз.
Бұл ретте елде өлім көрсеткіші де төмендеп, 9 айда 101,7 мың адам қайтыс болды, бұл өткен жылмен салыстырғанда (137,6 мың адам) 26,1%-ға аз.
Статистикаға сүйенсек, нәресте өлімі де азайған. Қаңтар-қыркүйек айларында бір жасқа дейінгі 2453 сәби шетінеп, өткен жылмен салыстырғанда нәресте өлімі 8,5 пайызға (2682 нәресте шетінеген) азайды.
