Цифрлық теңгені іске қосу туралы шешімді әзірлеу кезінде ескерілген басымдық, нәтижесінде төлем қызметтерін тұтынушыларға әсер ететін болады.
«Ұлттық Банк пен ОӨСӨТ моделі халықаралық ұйымдар мен шетелдік реттеушілердің тәсілдерін ескереді. Сондай-ақ, модельде цифрлық теңгенің технологиялық іске асырылуын, экономикалық пайда мен шығынның әлеуетін, жүйені реттеу мүмкіндіктерін, экожүйені дамыту әлеуетін бағалау бойынша зерттеулер көзделген», — деп хабарлайды ҚР Ұлттық Банкі.
Ұлттық Банктің ақпараты бойынша, цифрлық теңгенің технологиялық платформасы 2022 жылдың 4 тоқсанында сынақтан өткізіледі.
Зерттеу нәтижелерін объективті түсіндіру үшін тәуелсіз халықаралық сарапшылар мен халықаралық қаржы ұйымдарының қызметкерлері қатысатын «цифрлық теңге» жобасының консультативтік кеңесі құрылды.
Цифрлық теңгенің экожүйесін құру – жобаның табысты болуының маңызды факторы. Осы мақсатта қызығушылығы бар барлық тараптың қатысуымен коллаборативті алаң – digital Tenge Hub құрылды.
«Офлайн төлем жасау мүмкіндігі бар цифрлық теңгені енгізу төлем және қаржы қызметтерінің қолжетімділігін арттырады. Цифрлық теңгенің инфрақұрылымы инновациялық қызметтердің пайда болуына мүмкіндік беретін қаржы нарығының қатысушылары мен мемлекеттік органдар үшін қосымша құралға айналады. Болашақта цифрлық теңге трансшекаралық төлемдер жасау үшін де қолайлы болады», – деді Ұлттық Банк.
