Қостанай және Солтүстік Қазақстан облыстарында АИ-92 және Аи-93 маркалы бензиннің шекті бағасы литріне 187 теңге, басқа облыстарда бағалар бұрынғы деңгейде литріне 182 теңге сақталады. Екі облыста бағаны түзету бөлшек-сауда сатушылардың мұнай өнімдерін өндіруші зауыттардан алыстығынан логистикалық шығындармен байланысты.
Бұл ретте Қазақстанда АИ-95 және одан жоғары маркалы бензиндердің бағасын мемлекеттік реттеуден бас тартты.
Яғни Ақмола, Ақтөбе, Шығыс Қазақстан, Батыс Қазақстан, Қостанай, Солтүстік Қазақстан облыстары бойынша, сондай-ақ Абай облысында дизель отынының шекті бағасы литріне 260 теңгені, ал Нұр-Сұлтан, Алматы қалалары мен Шымкент, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Жетісу, Ұлытау облыстарында — литріне 230 теңгені құрайды.
Еске салайық, жақында Президент Үкіметке транзиттік көлік үшін және ҚР шекарасының периметрі бойынша мұнай өнімдерінің сараптаудан өткен бағаларын әзірлеуді тапсырды.
