Министрдің айтуынша, ақпан айынан бастап бензин мен дизель отынының бағасы мемлекет тарапынан реттелмейді. Енді баға сұраныс пен ұсынысқа сәйкес нарықтық жолмен белгіленеді.
«Елімізде бензин жеткілікті мөлшерде бар. Шамамен 42 күнге жететін қор қалыптасқан. Сондықтан оның бағасын көтеруге ешқандай негіз жоқ. Ал дизель отынының қоры 28 күнге жетеді. Дизель тапшылығы болады деп алаңдауға себеп жоқ. Біз ауыл шаруашылығы өндірушілерінің өтінімдерін толық орындап жатырмыз. Егіс науқанына байланысты да ешқандай қиындық туындамайды. Жалпы, жанармай нарығы артығымен теңгерімді жағдайда тұр», — деді Ерлан Ақкенженов.
Бұған дейін Энергетика министрлігі жанар-жағармай бағасының күрт өсуіне жол бермеу үшін мемлекеттік органдармен тұрақты түрде үйлесімді жұмыс жүргізіліп жатқанын хабарлаған еді.
