Синоптиктер қазан айының алғашқы күндерінде елімізде қандай ауа райы болатынын болжады, деп хабарлайды alataunews.kz.
Қазан айының басында Қазақстан аумағында ауа райы құбылмалы болады.
Солтүстік-батыс антициклонының әсерінен республиканың батысы мен солтүстік-батысында ауа райы құрғақ және күн шуақты болады.
Ал елдің қалған аймақтарында атмосфералық фронттардың өтуіне байланысты жауын-шашын күтіледі. Оңтүстік-шығыстағы таулы аймақтарда қатты жауын-шашын (жаңбыр, қар), желдің күшеюі, түнде және таңертең тұман болады деп болжануда.
Температуралық режимде айтарлықтай өзгерістер күтілмейді.
