Соңғы дерек бойынша қорда 26,8 мың тонна қант бар. Ал маусым айында Қазақстанда 38 мың тонна қант өндірілген: Тараз қант зауыты —18 мың тонна, Көксу қант зауыты — 9 мың тонна, Меркі қант зауыты — 11 мың тонна.
«250 мың тонна қантты БАЖ-сыз әкелуге квота бөлінді. Қазір қалған 100 мың тоннаға тапсырыс қабылданып жатыр. Квота 31 қазанға дейін өз күшінде болады», — делінген министрлік ақпаратында.
Бұған қоса, арнайы 4 жұмыс тобы құрылған. Енді тәтті өнімді республика бойынша бөлу басталады. Сондай-ақ Үкімет қант нарығындағы жағдайды тұрақтандыру мақсатында бес жылға арналған іс-шаралар жоспарын мақұлдады. Оның аясында қант қызылшасын егу алаңдарын ұлғайту, суару желілерін қайта құру, қант зауыттарын жаңғырту жүзеге асырылады.
Естеріңізге сала кетсек, жыл басынан бері қант бағасы 36%- ға қымбаттаған.
