Жаңа жыл мерекесіне орай қазақстандықтар 1-4 қаңтар аралығында демалады. Алайда, 5 қаңтар жексенбіге сәйкес келсе де, бұл күн жұмыс күні болып саналады.
Алғашқы жоспар бойынша, 3 қаңтар жұмыс күні ретінде белгіленген еді. Бірақ Еңбек министрлігінің шешімімен 3 қаңтардағы жұмыс күні жексенбі, яғни 5 қаңтарға ауыстырылды. Осылайша, 5 және 6 қаңтар – жұмыс күндері болып бекітілді.
Рождество мерекесі 7 қаңтарға, сейсенбіге түсіп, қазақстандықтар тағы бір күн демалады.
Еңбек министрлігінің мәлімдемесіне сәйкес:
- Бес күндік жұмыс аптасында қазақстандықтар қаңтар айында бес күн демалады: 1-4 қаңтар және 7 қаңтар.
- Алты күндік жұмыс аптасында төрт демалыс күні болады: 1-3 қаңтар және 7 қаңтар.
