«Қайрат» футбол клубының бас бапкері Александр Кержаков қызметінен кетті, деп хабарлайды alataunews.kz.
Клуб таратқан хабарламада, ресейлік маманмен келісімшарт тараптардың өзара келісімі бойынша бұзылғаны айтылған. Кержаковпен бірге оның көмекшілері Владимир Казаков пен Руслан Аджинджал да клубтан кетеді.
Айта кетейік, Александр Кержаков мамырдың соңында «Қайраттың» бас бапкері болып тағайындалған болатын. Оның жетекшілігімен алматылық команда 12 матч өткізіп, 6 рет жеңіске жетті, 3 рет тең түсіп, 3 рет қарсыластарына есе жіберді.
