Өткен жылы прокурорлар уәкілетті мемлекеттік органдармен бірлесіп, 1,5 млрд теңге сомасына 68 кәсіпорынның 4 мың қызметкерінің алдындағы жалақы борыштарын өтеуге көмектесті.
Мысалы, «Тамыр» ЖШС компаниялар тобы 243 қызметкерге 60 млн теңге қарыз болған. Солтүстік Қазақстан облысы прокуратурасының ұсынысы бойынша кәсіпорын қарыздарды толығымен төледі, ал жұмыс беруші әкімшілік жауапкершілікке тартылды.
Прокурорлар жалақы бойынша берешекті жедел өндіріп алу үшін дебиторлармен жұмыс жүргізіп, борышкерлердің мүлкін іздейді. Прокуратура сондай-ақ, шетелдік жұмыс күшін жалдайтын шаруашылық субъектілерде жұмыскерлердің құқықтарын қадағалайды.
Ең көп таралған заңбұзушылық — жергілікті және шетелдік мамандардың еңбегіне төленетін еңбекақының дұрыс есептелмеуі. Мұндай заңбұзушылықтар бойынша 66 ұсыныс енгізілді, 228 адам әкімшілік жауапкершілікке тартылды, 72 млн теңгеге айыппұл салынды, әкімдіктер 266 рұқсатты қайтарып алды, 150 шетелдік елден шығарылды.
Еңбек жағдайларының қауіпсіздігі мәселелері де назардан тыс қалмайды.
Прокурорлардың актілері бойынша 30 мың жұмысшыға жалақыға үстемақы белгіленді, 600-ден астам қызметкерге өтемақы төленді, қорғау құралдарымен және арнайы тамақпен қамтамасыз ету басталды, 22 бірлік жабдықтың жұмысы тоқтатылды. Әкімшілік жауапкершілікке 226 адам тартылды.
