Өрт шыққаны туралы хабарлама 21 шілде күні кешке түскен.
«Шамамен 15 шаршы метр алаңда трансформатор майы жанып, одан әрі кабельдер арқылы №3 цехтың ішіне өткен. Цех ішінде нөлдік белгіде шамамен 150-180 шаршы метр алаңда трансформаторлық май жанған. Салдарынан қатты түтін пайда болды», — деп хабарлады департаментте.
Павлодар облысы ТЖД өрт сөндіру және авариялық-құтқару жұмыстары қызметі бастығының орынбасары Думан Қыдырмолаевтың айтуынша, нысан өкілдерінің электр энергиясын уақытылы ажыратпауы өртті тез ауыздықтауға кедергі келтірген.
Қазіргі таңда құрбан болғандар мен зардап шеккендер туралы ақпарат анықталып жатыр. Мамандар қондырғыларды төгу және салқындату жұмысын бастады. Өрттің ауданы мен себептері де анықталады.
