Табиғи өртті сөндіруге ат салысқандардың күш-жігерінің арқасында тұтастай алғанда айтарлықтай нәтижеге қол жеткізілді. Мәселен, Каштак ауылының ауданында жеке құрамнан 200 адам, 30 бірлік техника, 3 тікұшақ жұмылдырылды. Жерновка-Шүлбі ауданында 300 адам, 40 бірлік техника және 9 тікұшақ бар.
«Соңғы күндері өрттің көлемі айтарлықтай қысқарғанын, өртті сөндіру жұмыстары тұрақты бақылауда екенін айту керек», — деді Абай облысының әкімі Нұрлан Ұранхаев.
Тікұшақтар өрт аумағын аэровизуалды тексеріп және өрт ошақтарына су шашуды жүзеге асырып жатыр. Өрт басталғалы бері барлығы 1450 рет көлемі 4 000 тоннадан астам су жеткізілді. Табиғи өртті жою орнында Төтенше жағдайлар министрінің байланыс торабы және жылжымалы басқару пункті бар. ТЖМ және ТЖД жедел желісінің телефондары: 8 7172 53 32 84, 8 7222 35 38 31.
