Алмаз министрге мүгедектердің медициналық көмекке қатысты құқықтары туралы пікірін білдірді. Ол ауыр созылмалы аурулармен ауыратын, жоғары технологиялық қымбат операцияларға мұқтаж ерекше адамдардың проблемаларына көп көңіл бөлгені үшін алғысын да жеткізді.
«Алмаз Өткіров денсаулық сақтау саласындағы мүгедектігі бар адамдардың жағдайы, сондай-ақ жалпы әлеуметтік жүйе бойынша өте өзекті сұрақтар қойды. Оның ақылға қонымды сөзін тыңдап, оған мүгедектігі бар адамдарға медициналық көмек көрсету мәселелері жөніндегі кеңесшім болуды ұсындым. Ерекше адамдардың денсаулығын қолдау, өмір сүру сапасын жақсарту тұрғысынан проблемалар шешуді қажет етеді. Алмаз Өткіровты мүгедектер құқықтары жөніндегі кеңесші етіп тағайындау туралы бұйрық шығарылады. Біз бірге жол картасын, жұмыс жоспарын жасаймыз және осындай қиын жағдайға тап болған адамдарға біртіндеп көмектесеміз», — деді министр.
Кездесу барысында министр профессор, «А. Сызғанов атындағы ҰҒХО» АҚ Басқарма төрағасы, профессор Болат Баймахановпен, доктор Эдуард Шинмен терінің ойылуы болған жағдайда хирургиялық көмек көрсету, теріні ауыстырып салу операцияларын жүргізу мүмкіндігі, науқастардың осы санаты бойынша медициналық сақтандыру жүйесі шеңберінде осы шығыстарды төлеу мәселелері талқыланды.
