Шарлапаевтың айтуынша, алдағы жылыту маусымына көмірге қажеттілік — 8,6 млн тонна. Оның ішінде 2,3 млн тонна көмір коммуналдық тұрмыстық қажеттілікке, 6,3 млн тонна көмір халықтың пайдалануына керек.
«Жылыту маусымына дайындық басталғаннан бері шамамен 1 млн тонна көмір жеткізілді. Бұл — жылдық жоспардың 12 пайызына тең. Мониторинг барысында 6 өңірде: Абай, Қызылорда, Қарағанды, Ақмола, Шығыс Қазақстан облыстары және Астана қаласында көмір дайындау жұмыстары төмен екені анықталды. Қазақстан темір жолы және көмір өндіруші кәсіпорындар жоспарға сәйкес өңірлерге көмірдің қажет көлемін жеткізуге дайын. Осы өңірлер жұмысты жандандыруы қажет», — деді Қанат Шарлапаев Үкімет отырысында.
