Бұл туралы орта білім беруді дамыту, қорғаншылық және қамқоршылық, тәрбие жұмысы бөлімінің басшысының міндетін атқарушы Гулмира Ахметова мәлімдеді.
Мектеп жасындағы балаларды оқумен қамту, әлеуметтік қорғалмаған отбасылардан шыққан балаларды қолдау мақсатында биыл «Мектепке жол» республикалық қайырымдылық акциясы 1 тамыз – 30 қыркүйек аралығында өтеді.
Статистикаға сәйкес, өңірде 32 663 – көпбалалы, 12 398 – аз қамтылған, 429 – сәтсіз отбасының, 775 – жетім және ата-анасының қамқорлығынсыз қалған бала бар.
Сонымен қатар «Балаларға жақсылық сыйла!», «Ауыл балаларына-мектепке сыйлықтар», «Отбасы отбасына көмектеседі: баланы мектепке жинайық!» қайырымдылық акцияларын ұйымдастыра отырып, атаулы көмек көрсету үшін мектепке дайындық кезінде қолдауды қажет ететін оқушыларға мемлекеттік органдар мен ұйымдардың, бизнес-құрылымдары бекітілуде.
Айта кету керек, тамыздың 1-нен бастап әр онкүндік сайын басқарма тарапынан акцияның өткізілуі бойынша мониторинг жүргізіліп жатыр.
