Облыс әкімінің мәліметтеріне қарағанда биыл молынан түскен жауын нәтижесінде жем-шөп дайындауда қиындық жоқ.
Н. Ноғаевтың мәліметіне сәйкес «Астрахан – Маңғышлақ» су құбыры арқылы келетін және басқа да су тұщыту қорларынан алынатын су мөлшері мамыр айынан бастап қыркүйектің соңына дейінгі аралықта тұтынушылардың қажеттілігін толық өтей алмай келген.
Қазір «Қаражанбас» кен орнында тәулігіне 17 мың текше метр су тұщытатын қондырғылар іске қосылған. Ақтау қаласындағы су тұщыту зауытында жыл соңына дейін 20 мың текше метр суды тазартатын қондырғы іске қосылу керек болса, соның 5 мың текше метрі қазірдің өзінде тұщытылып беріліп жатқаны айтылды.
Өңір басшысы облыста отандық және шетелдік туристер санының артқанын жеткізді.
Президент аталған бағыттар бойынша жұмыстарды одан әрі жетілдіріп, облыстағы тұрақты әлеуметтік-экономикалық дамуды қамтамасыз етуді тапсырды.
