Апат болған жерге өңір басшысы Асайын Байханов, Екібастұз қаласының және Баянауыл ауданының әкімі, сондай-ақ, облыс ТЖД бастығы барып, жедел штаб ұйымдастырылды.
«Ақаудың себебін анықтау және жою жұмыстарын «Екібастұз қалалық су арнасы» МКК күштерімен жүргізілуде. Жөндеу жұмыстарына 30 адам және 10 бірлік мамандандырылған техника жұмылдырылды. Сондай-ақ, сол жерде Павлодар облысы ТЖД және «Майқайың-алтын» АҚ мамандары жұмыс істеп жатыр», — деп мәлімдеді Павлодар облысы әкімінің баспасөз қызметі.
