«Сұранысқа ие емес мамандықтарға оқытудың қажеті жоқ. Қысқа мерзімді курстарды ашу пайдалы. Сонда түлектердің жұмысқа орналасу пайызы өседі. Осындай жақсы, заманауи материалдық-техникалық базамен сіздердің барлық мүмкіндіктеріңіз бар, біз өз тарапымыздан қолдау көрсетуді жалғастырамыз», — деп атап өтті Бейбіт Исабаев.
Оқу орны облыстың 20-ға жуық кәсіпорнымен ынтымақтасады, түлектердің 90%-ы жұмысқа орналасады.
«Колледж басшылығы, педагогикалық құрам өз жұмысының басты мақсаттарының бірі – студенттерін жұмысқа орналастыру деп санайтыны қуантады. Егер колледжді бітіргеннен кейін түлектердің 90%-ы тұрақты жұмысқа орналасса, бұл өте маңызды нәтиже. Бұл ретте білім беру мекемелерінің еңбек нарығындағы, оның ішінде оқытылатын мамандықтар бойынша сұранысқа тез бейімделуі өте маңызды»,- деп мәлімдеді облыс әкімі Бейбіт Исабаев Ескелді ауданына жұмыс сапары барысында.
Бүгінгі таңда Көксу ауылшаруашылық колледжі кәсіби техниктер, электриктер, технологтар, механиктер, қант өндірісінің операторлары және басқа да мамандарды дайындайды.
