Министрлік 2022-2023 жылдарға арналған бюджеттік ұйымдар мен тұрғындардың көмірге деген сұранысының жоспарын әзірледі. Жоспар бойынша тұтыну көлемі шамамен 9,5 млн тоннаны құрайды, оның ішінде ішкі сектор — 2,8 млн тонна.
«Жылыту маусымына дайындық жұмыстарын министрлік наурыз айында бастады. Ал жергілікті атқарушы органдардың өкілдеріне көмірді дайындау жұмысын 15 шілдеден бастау ұсынылды. Тапшылықтың алдын алу мақсатында Жол картасы әзірленді. Карта Нұр-Сұлтан, Алматы және Шымкент қалалары мен облыс әкімдіктеріне жіберілді», — деді ИИДМ Индустриялық даму комитетінің төрағасы Ілияс Оспанов.
Жиынды қорытындылаған Қайырбек Өскенбаев жауапты тұлғаларға жылу беру маусымына дайындық жұмыстарын тұрақты бақылауда ұстауды тапсырды.
