Оқиға атпен серуендеу кезінде болған. Алдын ала мәлімет бойынша, жас жұп аттан құлап, түрлі жарақат алған.
Оқиға орнына туристік бағытта кезекшілік атқарып жүрген Алматы облысы Төтенше жағдайлар департаментінің құтқарушылары жедел жетіп, зардап шеккендерге алғашқы медициналық көмек көрсетті.
Кейін құтқарушылар туристерді қауіпсіз жерге эвакуациялап, жақын маңдағы елді мекенде күтіп тұрған жедел медициналық жәрдем бригадасына тапсырды.
Төтенше жағдайлар департаменті туристерге таулы аймақтарда серуендеу кезінде қауіпсіздік талаптарын қатаң сақтап, атпен жүру барысында сақтық шараларын естен шығармауға кеңес береді.
