Биыл ауданның жалпы ұзындығы 78,5 шақырым көшелерін жөндеуге 3,5 млрд. теңге бөлінді. Сонымен қатар, республикалық маңызы бар «Көкпек-Кеген-Түп» автожолын жөндеуге байланысты ұзақ жылғы проблемалар тұрғындардың наразылығын тудырып отыр.
2021 жылы аталған жұмыстың қайта тапсырыс берушісі «ҚазАвтоЖол» бұған дейінгі мердігер мекемемен келісім-шарты бұзылды. 2022 жылдың маусым айында аталған нысанның конкурс корытындылары шығып жаңа мердігер анықталды. Ол – «АБЗ Карьер ДРСУ» ЖШС. Жұмыстың аяқталуы мерзімі 2023 жылдың қазан айы.
Тағы бір өзекті мәселе – «Кеген-Нарынқол» автомобиль жолының жағдайы. 2017 жылы 49 шақырымына орташа жөндеу жұмыстары жүргізілген. Қазіргі таңда «ҚазАвтоЖол» ЖШС-ның күшімен ағымдағы жөндеу жұмыстары жасалды. Жолдың қалған 35 шақырымына жобалау-сметалық құжаттаманы әзірлеу үшін қаражат бөлу қажет. Министрлікке хат жолданып, «ҚазАвтоЖол» мекемесімен жұмыстарды пысықтау қажет. Облыс басшысы Марат Сұлтанғазиев бұл мәселені назарда ұстап отырғанын айтты.
