Ведомство мәліметінше, алаяқтар жалған сайттар ашып, әлеуметтік желілер мен мессенджерлер арқылы күмәнді сілтемелер таратады. Мамандар романтикалық тосынсый қаржылық шығынға немесе көңіл күйдің бұзылуына айналмас үшін қарапайым қауіпсіздік ережелерін сақтауға шақырады.
ІІМ мынадай кеңестерді ұстануды ұсынады:
-
тауарды тек сенімді әрі тексерілген сайттардан және ресми маркетплейстерден сатып алу;
-
әлеуметтік желілердегі немесе мессенджерлердегі күмәнді сілтемелерге өтпеу;
-
шектен тыс арзан ұсыныстарға күмәнмен қарау — бұл алаяқтық белгісі болуы мүмкін;
-
сатушыдан тауардың нақты бар екенін растауды сұрау;
-
бейнеқоңырау арқылы тауарды және дүкеннің нақты мекенжайын көрсетуді талап ету;
-
төлем жасау кезінде ақшаны жеке шоттарға немесе күмәнді төлем жүйелеріне аудармау;
-
жеке деректерді қорғау, бөгде адамдарға парольдер, SMS-кодтар, CVV-код пен банк картасының толық мәліметін бермеу.
ІІМ өкілдері интернет арқылы сатып алу кезінде сақтық танытып, күмәнді жағдайларға тап болған жағдайда бірден құқық қорғау органдарына хабарласуға кеңес берді.
