Ведомство мәліметінше, заң бойынша 5 сәуірден кейін тіркелмеген мопедтерді жүргізуге тыйым салынады. Тіркеу үшін небәрі екі апта ғана уақыт қалды.
Мопедті тіркеусіз басқару Әкімшілік құқықбұзушылық туралы кодекстің 590-бабы, 2-бөлігі бойынша жауапкершілікке тартуға негіз болады. Қазіргі уақытта ел бойынша 8527 мопед ресми тіркелген.
Мопедті тіркеу үшін тұрғылықты жеріңіздегі ХҚКО-ға барып, келесі құжаттарды тапсыру қажет:
✔️ Жеке басты куәландыратын құжат (электрон түрі де жарамды);
✔️ Техникалық құжат немесе мопедтің техникалық сипаттамалары туралы мәліметтер;
✔️ Өтінішті толтырып, көлікті тексерістен өткізу;
✔️ Тіркеу куәлігі мен мемлекеттік нөмір алу үшін тиісті баж салығын төлеу.
“Тіркеуді кейінге қалдырмаңыздар!” – деп ескертті ІІМ ресми өкілі, департамент бастығы Шыңғыс Әлекешев.
