Қарағанды облысы полиция департаментінің мәліметінше, 3-4 қаңтарда өңірде ауа райының күрт нашарлауына байланысты Респуликалық және облыстық маңызы бар барлық жол жабылған.
«Полицияның бірнеше рет ескертуіне қарамастан, кейбір жүргізушілер жолға шықты. 3 жүргізуші полицейлердің талабына бағынбаған. Олардың кім екені анықталды. Жүргізушілер Әкімшілік құқық бұзушылық туралы кодекстің 667-бабы («Құқық қорғау органы қызметкерінің заңды өкіміне немесе талабына бағынбау») бойынша әкімшілік жауапкершілікке тартылады. Оларға 30 АЕК (103 500 теңге, 1 АЕК – 3 450 теңге) мөлшерінде айыппұл немесе 15 тәулікке әкімшілік қамауға алу жазасы тағайындалуы мүмкін», — деді облыстық ПД жергілікті полиция қызметі басқарма басшысының орынбасары Талғат Оспанов.
Бүгінде облыстағы барлық жолда 200-ге жуық көлік тоқтап тұр. Оларды жақын елді мекендерге патрульдік полиция батальонының қызметкерлері алып жүреді.
Сондай-ақ 3-4 қаңтарда 27 жол апаты тіркелді. Негізгі себеп – жүргізушілердің жолда сақ болмауы, жылдамдықты асыру.
