Осы бағытта Премьер-министрдің өкімімен мемлекеттік органдардың қызметін үйлестіру жөніндегі республикалық штаб құрылды.
Штабқа Премьер-министр басшылық етеді, ал оның орынбасарлары ретінде Премьер-министрдің орынбасары мен ішкі істер министрі белгіленді.
Жаңадан құрылған құрылымның басты мақсаты – нашақорлық пен есірткі бизнесіне қарсы мемлекеттік органдардың жұмысын үйлестіру, тиімді алдын алу тетіктерін әзірлеу және есірткіге тәуелді адамдарға арналған профилактика, емдеу және оңалту жүйесін жетілдіру.
Штаб құрамына Бас прокуратура, Ұлттық қауіпсіздік комитеті, Қаржы мониторингі агенттігі, Ұлттық банк, Қаржы нарығын реттеу және дамыту агенттігі өкілдерімен бірге бірқатар министрліктердің басшылары енді.
Премьер-министрдің өкіміне сәйкес, облыстарда және Астана, Алматы, Шымкент қалаларында өңірлік штабтар құрылып, аталған бағыттағы жұмысты жергілікті деңгейде үйлестіреді.
Үкіметтің мәліметінше, бұл шаралар есірткі қылмысына қарсы күресті жаңа деңгейге көтеріп, қоғамда салауатты өмір салтын насихаттауға және қауіпсіздік деңгейін арттыруға бағытталған.
