Қазақстан футбол федерациясының мәліметінше, спорт нысанындағы жасанды төсеніш толығымен ауыстырылады. Жобаны іске асыруға Алматы облысының футбол қауымдастығы да ұйымдастырушылық қолдау көрсетіп отыр.
2026 жылғы 30 шілдеде Қазақстан футбол федерациясы, спорт мектебі және мердігер ұйым арасында үшжақты келісім жасалған. Келісімге сәйкес, мердігер футбол алаңын жаңарту жұмыстарын федерация алдындағы міндеттемелері аясында өз қаражаты есебінен жүргізуде.
Жөндеу барысында ескі жасанды төсеніш алынып, алаңның негізі дайындалады және жаңа жасанды төсеніш төселеді.
Жаңғырту жұмыстарын 2026 жылдың соңына дейін аяқтау жоспарланған. Осыдан кейін жаңартылған футбол алаңы балалар-жасөспірімдер спорт мектебінің теңгеріміне беріледі.
Жобаның жүзеге асырылуы өңірдегі спорт инфрақұрылымын жақсартуға, жас футболшылардың жаттығуына қолайлы жағдай жасауға және бұқаралық футболды дамытуға мүмкіндік береді.
